True Story: Strengthened Through Serving
Embedded Files
Romans 15:1-2 (Tagalog Contemporary Bible)
1 Tayong malalakas sa pananampalataya ay dapat tumulong sa mga kapatid nating mahihina sa pananampalataya. Hindi lang ang sarili nating kapakanan ang dapat nating isipin, 2 kundi ang kapakanan din ng iba, para mapalakas ang kanilang pananampalataya.
Ice Breaker
KUNWARI nasusunog ang iyong bahay, at ligtas ang lahat. Mayroon kang 30 segundo upang pumasok sa loob at kumuha ng tatlong bagay na gusto mong i-save. Ano ang kukunin mo? Bakit?
Macy: Strengthened Through Serving
Hindi akalain ni Macy na masisira ang kanyang pamilya. Sa kanyang pagdurusa, sumigaw siya sa Diyos at nagtanong, “Bakit ako?” Sinubukan ni Macy na itago ang kanyang heartbreak hanggang sa matamaan siya ng Rock bottom.
Noon ay nagsimula siyang makahanap ng kanyang lakas sa Diyos at bumaling sa kanyang komunidad para sa suporta. Ang pinakamalaking sorpresa niya ay dumating noong siya ay naglilingkod sa iba at nagpalago ng kanyang pananampalataya. Ang totoong buhay na kuwentong ito ay orihinal na lumabas sa Dream Big kasama si Jennie Allen.
Halika at samasama nating tuklasin ang kanyang testimonya!
Ating Suriin
Nakita natin na ang kwento ni Macy ay hindi na nalalayo sa ating karanasan o karanasan ng kakilala natin, hindi man ito usapin ng diborsyo, tiyak na karanasan mong problema sa school, trabaho, kaibigan o ano mang klasing suliranin.
Si Macy ay nagtanong sa Diyos, "Bakit nangyayari ang mga ito." Sa testimony nya nakita natin ang dalawang hakbang na ginawa nya:
Sinarili nya ang problema - sa akala nya ay malalampasan nya iyon.
Sa kanyang panalangin ay ibinigay nya ang kanyang pasanin sa Panginoon.
👉 Sa hakbang na ginawa ni Macy, anong nakikita nyong aral na mapulot nyo dito?
👉 Pag dumating ang biglaang pasanin mo sa buhay, anong bible verse ang naiisip mong sambitin bilang tugon sa iyong problema?
Ito ang mga ibang bible verses na makakatulong sa inyo:
Awit 73:26
"Ang aking laman at ang aking puso ay nanglulupaypay: nguni't ang Dios ay kalakasan ng aking puso, at bahagi ko magpakailan man."
Awit 28:7
"Ang Panginoon ay aking kalakasan at aking kalasag; ang aking puso ay tumiwala sa kaniya, at ako'y nasaklolohan: kaya't ang aking puso ay nagagalak na mainam; at aking pupurihin siya ng aking awit."
Awit 18:32
"Ang Dios na nagbibigkis sa akin ng kalakasan, at nagpapasakdal sa aking lakad."
Awit 27:1
"Ang Panginoon ay aking liwanag, at aking kaligtasan: kanino ako matatakot? Ang Panginoon, ay katibayan ng aking buhay; kanino ako masisindak?"
Mga Taga-Filipos 4:13
"Lahat ng mga bagay ay aking magagawa doon sa nagpapalakas sa akin."
Mga Taga-Efeso 6:10
"Sa katapustapusa'y magpakalakas kayo sa Panginoon, at sa kapangyarihan ng kaniyang kalakasan."
👉Ang isa sa mga solution na binigay ng Panginoon kay Macy ay magbabad sa gawain ng Panginoon; Palagay nyo bakit kaya?
👉 Sa inyong Panalangin ay maiging ipanalangin ang mga kasalukuyang problema sa buhay ng inyong ka connect group kung mayroon man.
Page updated
Google Sites
Report abuse