ICE BREAKER: 

“ANO ANG NAKATULONG SA IYO?”

Ano ang isang bagay na malaking tulong sa paglago ng iyong pananampalataya mula nang makilala mo si Cristo?

Maaaring sagutin ng:

• isang sermon

• isang Bible verse

• isang kaibigan

• isang Connect Group

• panalangin

• Sunday worship

• isang testimony

• isang taong nag-disciple sa iyo

----------------------------------------

Sa testimony ni Gloria, makikita natin na hindi lamang isang event ang naging dahilan ng kanyang paglago. Habang patuloy siyang nakikinig sa Salita ng Diyos, dumadalo sa Sunday worship at Midweek Service, at nakikibahagi sa ministry, unti-unting nagbago ang kanyang buhay at pananampalataya.

GROUP DISCUSSION:

1. PATULOY NA PAKIKINIG

Paano ginagamit ng Diyos ang Kanyang Salita upang baguhin ang ating buhay?

Sa testimony ni Gloria, nagsimula siyang magkaroon ng pang-unawa nang marinig at maunawaan niya ang Salita ng Diyos, lalo na ang Mateo 4:4. Mula rito, naging bahagi ng kanyang journey ang patuloy na pakikinig sa mga mensahe at pag-aaral ng Salita ng Diyos.

Talakayin:

May Bible verse o mensahe ba na ginamit ng Diyos upang baguhin ang iyong pananaw, desisyon, o paraan ng pamumuhay? Ano iyon at paano ka nito binago?

2. PATULOY NA PAGDALO

Ano ang naging epekto sa buhay ni Gloria ng patuloy niyang pagdalo sa Sunday Worship at Midweek Service?

Ibinahagi ni Gloria na habang patuloy siyang nakikinig ng sermon tuwing Sunday sa CCM at dumadalo sa Midweek Service, lumago ang kanyang spiritual journey.

Talakayin:

Bakit mahalaga na hindi lang tayo minsan dumalo sa worship, kundi maging consistent sa ating pagsamba at pakikinig ng Salita ng Diyos kasama ang ibang believers?

Key thought:

Hindi lang tayo pumupunta sa church dahil kailangan natin ang church; pumupunta tayo dahil kailangan natin ang Diyos at kailangan din natin ang isa't isa.

3. PATULOY NA PAGSUNOD

Paano dapat magbago ang buhay natin pagkatapos nating marinig ang Salita ng Diyos?

Sa testimony, hindi nagtapos ang journey ni Gloria sa pakikinig lamang. Natuto siyang humingi ng tawad, manalangin para sa iba, magbahagi ng One Verse Evangelism, magkaroon ng Connect Group sa bahay, mag-aral, magpabautismo, at piliing maging lingkod at sumunod sa kalooban ng Diyos.

Talakayin:

Ano ang isang bagay na sinasabi ng Diyos sa iyo ngayon na kailangan mong hindi lamang pakinggan, kundi simulan nang sundin?

REFLECTION: BAKIT AKO NAGCHU-CHURCH?

Sabihin sa bawat member:

“Kung tatanungin ka: ‘Bakit ka pumupunta sa Sunday worship?’ Ano ang personal mong sagot?”

Maaari nilang simulan sa:

“Pumupunta ako sa Sunday worship dahil __________.”

Halimbawa:

“...dahil gusto kong sambahin ang Diyos.”

“...dahil gusto kong marinig ang Kanyang Salita.”

“...dahil gusto kong lumago sa pananampalataya.”

“...dahil gusto kong makasama ang mga kapatid sa pananampalataya.”

“...dahil gusto kong maalala ang kabutihan at biyaya ng Diyos.”

DJK TAKEAWAY

Ang Sunday worship ay hindi lamang pagdalo sa isang serbisyo. Ito ay pagkakataon upang sama-sama nating sambahin ang Diyos, pakinggan ang Kanyang Salita, palakasin ang isa't isa, at matutong sumunod sa Kanya.

We gather.
We worship.
We listen.
We grow.
We obey.

Sama-sama tayong sumamba, dahil sama-sama rin tayong lumalago kay Cristo.

----------------------------------------