Lesson Four

👉 Tap Here to Down load the Book 2 Booklet

ANO ANG ITINUTURING NA MAHALAGANG UGNAYAN?

Ang Pagsamba.

a aklat ng Mga Gawa, makikita natin na ang mga unang Kristiyano ay patuloy na nagtitipon upang sumamba sa Diyos. Bakit? Dahil naranasan nila ang pag-ibig at pagliligtas ni Jesus Cristo. Naniniwala silang Siya ay namatay para sa kanilang mga kasalanan, muling nabuhay, at buhay na Panginoon.

Ang pagsamba ay naging natural na tugon ng kanilang puso sa biyaya ng Diyos. Hindi lamang ito tungkol sa pagkanta o pagdalo sa pagtitipon, kundi tungkol sa pagbibigay ng karangalan at pasasalamat sa Diyos para sa Kanyang ginawa.

Sa sesyong ito, matututuhan natin kung bakit mahalagang sumamba kasama ng ibang mananampalataya at kung paano ito nagpapalalim ng ating relasyon sa Diyos.

"Pupunta ako upang sambahin ang Diyos, palakasin ang aking mga kapatid, at ipahayag na si Jesus ay buhay." - Psalm 95:6, Hebrews 10:24–25, Acts 20:7, Matthew 28:6

Ano ang isa sa pinaka-memorable mong Sunday worship experience at bakit?

👉 👉 Maaaring ito ay:

Isang awitin na tumatak sa puso mo
Isang sermon na nagbago ng iyong pananaw
Isang prayer na sinagot ng Diyos
Isang Small Group discussion kung saan nakaka-relate ka
Isang espesyal na fellowship kasama ang church family

----------------

ANG MAHALAGANG UGNAYAN - ANG PAGSAMBA

👉 Kapag naririnig natin ang salitang worship, madalas ang unang pumapasok sa isip natin ay pagkanta, musika, o Sunday worship service. Ngunit sa Biblia, mas malalim ang kahulugan ng pagsamba.

📖 Ang unang pagbanggit ng salitang "worship" sa Biblia ay matatagpuan sa Genesis 22:5. Habang papunta si Abraham sa bundok upang ialay si Isaac bilang pagsunod sa utos ng Diyos, sinabi niya:

"I and the boy will go over there and worship.." (Genesis 22:5, ESV)

Kapansin-pansin na walang musika, walang choir, at walang instruments sa tagpong ito. Sa halip, ang worship ay ipinakita sa pamamagitan ng pagtitiwala, pagsuko, at pagsunod sa Diyos.

✅ Mula rito, matututunan natin na ang tunay na pagsamba ay hindi nagsisimula sa ating mga labi kundi sa ating puso. Bago pa man ito maiugnay sa mga awit, ang worship ay unang naiugnay sa surrender and obedience—ang pagsuko ng ating sarili at ang pagsunod sa kalooban ng Diyos.

Kaya kapag tayo ay nagtitipon tuwing Linggo upang sumamba, hindi lamang tayo umaawit. Tayo ay lumalapit sa Diyos bilang mga taong handang magpasakop sa Kanya at sundin Siya sa ating pang-araw-araw na buhay.

Upang lubos na maunawaan natin ito, sabay sabay nating panoorin ito ...

ANG MAHALAGANG UGNAYAN - ANG PAGSAMBA

Worship — Why We Worship Together

✍️ 1. Multiple Choice

👉 Ayon sa lesson natin, ano ang madaling paraan para matandaan ang tatlong dahilan kung bakit tayo sumasamba nang sama-sama tuwing Linggo?

A. Pray – Serve – Give
B. UP – IN – OUT
C. Read – Pray – Obey
D. Gather – Learn – Leave

IMPORTANT:

Bakit UP – IN – OUT?

Ang mga mananampalataya ay nagtitipon upang sambahin ang Diyos (UP) dahil Siya lamang ang karapat-dapat sa ating papuri at pagsamba (Psalm 95:6);
upang palakasin at hikayatin ang isa't isa (IN) sa ating paglakad kay Cristo (Hebrews 10:24–25);
at upang ipahayag na si Jesus ay buhay (OUT), sapagkat Siya ay muling nabuhay at ang unang iglesia ay nagtitipon tuwing unang araw ng linggo bilang pagdiriwang ng Kanyang tagumpay (Acts 20:7; Matthew 28:6). Kaya tuwing Linggo, tayo ay nagtitipon upang sambahin ang Diyos, palakasin ang ating mga kapatid, at ipahayag na si Jesus ay buhay.

✍️ 2. Multiple Choice

👉 Basahin ang Hebrews 10:24-25

24 Sikapin din nating gisingin ang damdamin ng bawat isa sa pagmamahal sa kapwa at sa paggawa ng mabuti. 25 Huwag nating kaliligtaan ang pagdalo sa ating mga pagtitipon, gaya ng nakasanayan ng iba. Sa halip, palakasin natin ang loob ng isa't isa, lalo na ngayong nakikita nating malapit na ang Araw ng Panginoon.

Ayon sa Hebrews 10:24–25, bakit hindi dapat ituring ng isang Kristiyano na optional lamang ang pagtitipon para sa pagsamba?

A. Dahil bahagi ito ng tradisyon ng simbahan
B. Dahil ito ay utos ng Diyos upang mahikayat natin ang isa't isa sa pag-ibig at mabubuting gawa
C. Dahil mas maganda ang worship service kaysa sa personal devotion
D. Dahil inaasahan ito ng mga church leaders

MPORTANT:

👉 Noon pa man sa panahon ng mga Israelita hanggang sa panahon ng iglesia ngayon, ginagamit ng Diyos ang corporate worship upang i-check at itama ang direksyon ng ating buhay. Sa pamamagitan ng pakikinig sa Kanyang Salita, pananalangin, at pakikisama sa ibang mananampalataya, pinapaalalahanan tayo ng Diyos kung ano ang tunay na mahalaga at kung paano tayo dapat mamuhay para sa Kanya.

Halimbawa:

♨️ Isang Kristiyano ang naging sobrang abala sa trabaho kaya unti-unti nang napapabayaan ang kanyang relasyon sa Diyos. Ngunit nang dumalo siya sa Sunday worship service, nangusap ang Panginoon gamit ang sermon. Dahil doon, nagsisi siya, muling inayos ang kanyang mga prayoridad, at nagtatrabaho sya kasama ang Diyos.

NOTE:

Kapag sinasagot ng Panginoon ang ating mga panalangin, Laging kasama rito ang paglalaan ng panahon para sa pahinga, pamilya, at corporate worship.

👉 Proverbs 3:6 — "In all your ways acknowledge Him, and He shall direct your paths."

✍️ 3. Sa tatlong dahilan ng worship—

UP (Worship God),
IN (Encourage One Another), at
OUT (Proclaim the Risen Christ)

—alin ang pinaka-naghamon (challenged) o nagpalakas (encouraged) sa iyo? Bakit?

✍️ 4. Paano mo maia-apply ang natutunan mo sa lesson na ito

sa susunod na Sunday worship service?

Magbigay ng isang specific na hakbang na gagawin mo.

Halimbawa:

Mas maagang darating, mag-iinvite ng kaibigan, makikipag-usap sa bagong attendee, o mas makikibahagi sa worship.

-------

📖 STORY SERIES ASSIGNMENT

DJK: The Story Series #4

Ang iyong assignment ay pag-aralan ang DJK: The Story Series #4.

👉 Tap here to download
👉 Tap here to read online

Page updated

Google Sites

Report abuse