Lesson Two

👉 Tap Here to Down load the Book 1 Booklet

Ano ang relasyon kay Hesu-kristo?

Ang relasyon kay Jesus ang pinakamahalagang relasyon na maaaring magkaroon ang isang tao. Kapag tayo ay may tunay na relasyon kay Cristo, nagkakaroon tayo ng bagong buhay (Efeso 2:4–5), kapatawaran sa ating mga kasalanan (Colosas 1:14), at pananahan ng Banal na Espiritu sa ating buhay (Juan 14:16–17).
At hindi lamang ito para sa buhay natin ngayon. Mayroon din tayong pag-asang walang hanggan—ang muling pagkabuhay ng ating katawan at ang ating tahanan sa langit kasama ni Cristo (Juan 14:19; Filipos 3:20–21).
Ang relasyon kay Jesus ay hindi lamang nagbabago ng ating buhay ngayon; binibigyan din tayo nito ng pag-asa para sa walang hanggan.

ANONG BALITA?

Mag bigay ng dalawang bagong balita na may-impact sa karamihan, ito man ay sa showbiz, business, influencer, politics, etc.. Halimbawa:

KatNiel Breakup (December 2023)
1990 Luzon earthquake - Magnitude 7.7
Miss Universe mistake - 2015

Pagsisimula ng bagong buhay sa Ugnayan kay Cristo

👉 May iniwan sa ating tanong si Sis. Mira:

“Kailan mo tinanggap si Jesus Christ sa iyong buhay?”

🔴 IKAW AY ANAK NG PANGINOON

Basahin ang Juan 1:12

“Subalit ang lahat ng tumanggap at sumampalataya sa kanya ay binigyan niya ng karapatang maging mga anak ng Diyos.”— MBB

1. Sa talata, makikita natin na mayroon tayong espesyal na relasyon sa Diyos—Siya ang ating Ama, at tayo ay Kanyang mga anak.

Sa halimbawa ng relasyon ng ama at anak, alin ang permanente: ang relasyon o ang samahan? At sa palagay mo, bakit?

👉 Ang ating relasyon sa Diyos ay permanente. Kapag tayo ay naging anak ng Diyos sa pamamagitan ng pananampalataya kay Cristo, hindi na nagbabago ang ating pagiging anak Niya.

Gayunpaman, kapag tayo ay nagkakasala at gumagawa ng mga bagay na hindi kalugod-lugod sa Diyos, naaapektuhan at nasisira ang ating samahan (fellowship) sa Kanya.

Kaya kapag nagkasala tayo, kailangan nating ipagtapat ang ating kasalanan sa Diyos, humingi ng tawad, at manumbalik sa tamang pakikipag-ugnayan sa Kanya.

🔴 Basahin ang 1 Juan 1:9

“Ngunit kung ipinagtatapat natin sa Dios ang ating mga kasalanan, maaasahan nating patatawarin niya ang ating mga kasalanan at lilinisin tayo sa lahat ng uri ng kasamaan dahil matuwid siya.” — TCB

2. Ano ang pangako ng Panginoon kapag ipinagtatapat natin ang ating mga kasalanan?

P _________________ At ipinangako Niyang linisin tayo sa L___________________ ng uri ng

K ________________________.

🔴 Sa tatlong larawan sa baba ay tulungan tayong maintindihan ang "relasyon at samahan:" Ang simbolo na † (Krus) ay nag lalarawan kay Jesus Crist, at ang Tao ay nilalarawan ang tao sa sanlibutan.

🔴 Basahin ang 1 Corinto 2:14 - "Ngunit sa taong hindi pinananahanan ng Espiritu ng Dios, hindi niya tinatanggap ang mga aral mula sa Espiritu, dahil para sa kanya itoʼy kamangmangan. At hindi niya ito nauunawaan, dahil ang mga bagay na itoʼy mauunawaan lamang sa tulong ng Espiritu." TCB

3. NATURAL MAN: Ayon sa verse na ito bakit daw ang mga taong ito ay kamangmangan sa kanila ang usaping espiritual, bakit, ano ba ang wala sa kanila? E_________ ng D_____.

🔴 Basahin ang 1 Corinto 2:15 "Sa taong pinananahanan ng Espiritu, nauunawaan niya ang mga bagay na ito, ngunit hindi naman siya maunawaan ng mga tao na hindi pinananahanan ng Espiritu ng Dios." TCB

4. SPIRIT-FILLED CHRISTIAN: Ayon sa talata ang taong ito ay nauunawaan nya ang mga espiritual na usapin dahil sya ay p___________ ng Espiritu.

Sa larawan: Sa iyong palagay, ano ang kahulugan na si Jesus (Cross) ang nakahawak ng manibela?

🔴 Basahin ang 1 Corinto 3:1 "Mga kapatid, hindi ko kayo makausap noon bilang mga taong ginagabayan ng Espiritu ng Dios, kundi bilang mga taong makamundo at sanggol pa sa pananampalataya kay Cristo."TCB

5. CARNAL CHRISTIAN: Ayon sa talata, at sa larawan, ang Kristiyano padin ang nagda-drive sa kanyang buhay kung mananatili syang M________ at S_______ sa pananampalataya.

PAG-ISIPAN:

Ang maka-mundo at sanggol pa sa pananampalataya ay kaya nyang ipagpalit ang pagsimba sa ibang bagay. (Sabi sa Psalm 122:1 "I was glad when they said unto me, Let us go into the house of the Lord.")
Upang hindi manatili sa gawain ng Mundo at pagiging sanggol sa pananampalataya ay ugaliing dumalo sa gawain ng simbahan, mag-devotion, at manalangin araw-araw.

👉👉 Ang tatlong uri ng taong nabanggit ay makikita natin na ang SPIRIT-FILLED CHRISTIAN ang dapat nating asamin, at dapat tayo ay lumago bilang "baby-Christian, o iwanan ang pagiging Carnal Christian. "

Ang mga sumusunod ay makakatulong sa atin sa pagkamit ng isang SPIRIT-FILLED CHRISTIAN:

Mag-exert ng effort na ang NO ay dapat na NO (huwag gawing YES ang mga NO ng Panginoon).
Matutong ipanalangin ang iba at ang sarili
Mag-umpisa, magpatuloy na magbasa ng Salita ng Panginoon
Laging dumalo sa mga gawain ng ating church

🩸🩸🩸

NGAYON na nakita mo ang bagong Ugnayan mo kay Jesus na permanente, malalaman mo pa ang pinagpalang buhay mo sa susunod na aralin.

Ngayon, ano ang gusto mong ipanalangin natin?

------

📖 READING ASSIGNMENT

Mas Kilalanin si Jesus

Ang pagkakaroon ng bagong buhay kay Cristo ay hindi nagtatapos sa pagtanggap sa Kanya. Patuloy nating kilalanin si Jesus sa pamamagitan ng Kanyang Salita.

Sa susunod na mga araw, basahin ang mga kabanata sa Gospel of John. Habang nagbabasa, isipin:

“Ano ang ipinapakita ng kabanatang ito tungkol kay Jesus, at paano ako dapat tumugon sa Kanya?”

📅 READING PLAN

— John 6 - Si Jesus ang Tinapay ng Buhay—Siya ang tunay na nagbibigay ng buhay.

— John 7 - Si Jesus ang pinagmumulan ng Buhay na Tubig—Siya ang nagbibigay ng Espiritu at tunay na kasiyahan.

— John 8 - Si Jesus ang Ilaw ng Sanlibutan—Siya ang umaakay sa atin mula sa kadiliman tungo sa liwanag.

— John 9 - Si Jesus ang nagbibigay ng paningin—Siya ang nagbubukas ng ating mga mata upang makilala ang katotohanan.

— John 10 - Si Jesus ang Mabuting Pastol—Kilala Niya ang Kanyang mga tupa at inaalagaan, ginagabayan, at ipinagtatanggol sila.

✍️ Pagkatapos ng bawat chapter, isulat ang iyong sagot:

Ano ang natutuhan ko tungkol kay Jesus?
Anong verse ang pinakanagustuhan o tumatak sa akin?
Ano ang nais kong gawin bilang tugon kay Jesus?

👉 Tap here to Down Load the Video

Page updated

Google Sites

Report abuse