Lesson Four

👉 Tap Here to Down load the Book 1 Booklet

Ano ang Bagong Buhay na may Katuwang?

Sa Aralin 3, nakita natin na permanente ang ating relasyon sa Panginoon. Kahit minsan ay tayo ay napapariwara at nagkakasala, hindi kayang sirain ng kasalanan ang ating katayuan bilang mga anak ng Diyos.
Subalit, hindi ibig sabihin nito na okay lang ang patuloy na pamumuhay sa kasalanan. Mas mainam na mamuhay tayo nang may tagumpay laban sa kasalanan at ayon sa kalooban ng Diyos.
Kaya ang tanong: Paano tayo mamumuhay sa paraang kalugod-lugod sa Panginoon?
Sa Aralin 4, matutulungan tayo na matutunan ang mga prinsipyo ng Diyos upang mamuhay ayon sa Kanyang kalooban at maging mas katulad ni Cristo.

Sino Ang Tumulong Sa Iyo?

Magbahagi sa group ng isang mapaghamong karanasan na naranasan mo sa buhay—maaaring tungkol sa trabaho, pamilya, pera, relasyon, o anumang personal na pagsubok.

Pagkatapos, ibahagi:

Sino ang tumulong sa iyo?
Paano ka niya tinulungan?
Ano ang naging epekto ng tulong niya sa iyo?

Ibahagi sa inyong group.

Pagsisimula sa bagong Buhay na may Katuwang!

PAANO MAMUHAY NA MATAGUMPAY

👉 Nalulugod ang Diyos kapag patuloy nating nilalabanan ang tukso at natututong sumunod kay Jesus bilang bahagi ng ating araw-araw na pamumuhay.

Ngunit ang tanong: Paano tayo mamumuhay nang patuloy na nagtatagumpay laban sa tukso at kasalanan? Sa araling ito, matutuklasan natin ang mga prinsipyo mula sa Salita ng Diyos na tutulong sa atin upang mamuhay nang kalugod-lugod sa Kanya at magtagumpay sa ating paglakad kasama si Cristo.

🔴 ALAMIN ANG TATLONG PINAGMULAN NG TUKSO

1. ANG MUNDO 🌎

🔴 Basahin ang Roma 12:2

“Huwag kayong makiayon sa takbo ng mundong ito. Sa halip, hayaan ninyong baguhin ng Diyos ang inyong pag-iisip upang maunawaan ninyo ang kanyang kalooban. Sa gayon, magagawa ninyo kung ano ang mabuti, kalugud-lugod at ganap na kalooban ng Diyos.”

👉 I. Pag-isipan:

Magbigay ng isang halimbawa ng gawain o sistema ng mundo na itinuturing nang normal o tama dahil ginagawa ito ng karamihan, kahit hindi ito ayon sa Salita ng Diyos.

Paano tayo makakaiwas na makiayon sa ganitong sistema ng mundo?

2. ANG LAMAN ❤️

🔴 Basahin ang Santiago 1:13–16

“Huwag sabihin ninuman na tinutukso siya ng Diyos kapag siya'y dumaranas ng pagsubok, sapagkat ang Diyos ay hindi maaaring matukso at hindi rin naman niya tinutukso ang kahit sino. Natutukso ang tao kapag siya'y naaakit at nagpapatangay sa kanyang sariling nasa. Kapag ang nasa ay tumubo at nag-ugat sa kanyang puso, magbubunga ito ng pagkakasala. Kapag ang kasalanan ay lumala, ito'y hahantong sa kamatayan. Huwag kayong padaya, mga kapatid kong minamahal.”

👉 II. ITO ANG PROSESO NG TUKSO BAGO ITO MAGING KASALANAN:

Natutukso ang tao kapag siya'y N________ at nagpapatangay sa kanyang sariling N_______. Kapag ang NASA ay tumubo at nag-ugat sa kanyang puso, magbubunga ito ng P_________.

🔄 ULITIN NATIN:

NAAKIT → NASA → PAGKAKASALA

💡 Ang tukso ay hindi pa kasalanan. Ngunit kapag pinayagan natin itong lumago sa ating puso at kumilos tayo ayon dito, nagiging kasalanan ito.

🔴 Basahin ang 2 Timoteo 2:22

“Kaya iwasan mo ang masasamang hilig ng kabataan. Pagsikapan mong mamuhay nang matuwid, tapat, mapagmahal at may mabuting pakikitungo sa kapwa, kasama ng mga tumatawag sa Panginoon nang may malinis na puso.”

👉 III. Ayon sa talata, ano ang dalawang bagay na dapat nating gawin kapag nahaharap tayo sa tukso?

A. ______________________________

B. ______________________________

Hindi lamang natin iniiwasan ang mali; hinahabol din natin ang tama. Lumayo sa tukso at lumapit sa Diyos kasama ang mga taong tunay na sumusunod sa Kanya.

3. ANG DEMONYO

🔴 Basahin ang Efeso 6:10–12

“Bilang pagwawakas, magpakatibay kayo sa kalakasang galing sa Panginoon at sa kanyang dakilang kapangyarihan. Isuot ninyo ang buong kasuotang pandigma na kaloob ng Diyos, upang mapaglabanan ninyo ang mga pakana ng diyablo. Sapagkat hindi tayo nakikipaglaban sa mga tao, kundi sa mga pinuno, sa mga maykapangyarihan, sa mga tagapamahala ng kadilimang umiiral sa sanlibutang ito, sa mga hukbong espirituwal ng kasamaan sa himpapawid.”

💬 Pag-isipan:

Bakit kailangan nating isuot ang “buong kasuotang pandigma ng Diyos” (the full armor of God)?

Ang armor of God ay kinabibilangan ng katotohanan, katuwiran, Mabuting Balita, pananampalataya, kaligtasan, Salita ng Diyos, at pananalangin.

🔴 GAMITIN ANG TAMANG ESTRATEHIYA

Binabalangkas ng Bibliya ang ilang mahahalagang estratehiya na dapat nating gamitin upang mapaglabanan ang tukso at maiwasan ang pagkakasala.

📖 ANG BIBLIYA AT PANALANGIN SA PAKIKIBAKA SA MUNDO

🔴 Basahin ang Lucas 11:1–4

“Minsan, nanalangin si Jesus sa isang lugar. Nang siya'y matapos, sinabi ng isa sa kanyang mga alagad, ‘Panginoon, turuan po ninyo kaming manalangin, tulad ng ginawa ni Juan sa kanyang mga alagad.’ Sinabi ni Jesus sa kanila, ‘Kung kayo'y mananalangin, sabihin ninyo, “Ama, sambahin nawa ang iyong pangalan. Dumating nawa ang iyong kaharian. Bigyan mo kami ng aming pagkain sa araw-araw. At patawarin mo kami sa aming mga kasalanan, sapagkat pinapatawad namin ang bawat nagkakasala sa amin. At huwag mo kaming hayaang matukso.”’”

💬 Pag-isipan:

1. Bakit kaya isinama ni Jesus sa model prayer ang: “Huwag mo kaming hayaang matukso”?

2. Ano ang papel ng panalangin sa pag-overcome ng tukso?

👉 Ang panalangin ay hindi lamang para humingi ng mga bagay sa Diyos. Ito rin ay paraan upang manatili tayong dependent sa Kanya, lalo na kapag nahaharap tayo sa tukso.

🔥 LABANAN ANG DIYABLO

🔴 Basahin ang Santiago 4:7

“Kaya nga, pasakop kayo sa Diyos. Labanan ninyo ang diyablo at lalayuan niya kayo.”

💬 Pag-isipan:

1. Paano tayo magtatagumpay sa laban sa diyablo?

2. Ano ang dapat nating gawin kapag tinutukso tayo?

3. Ano ang ipinangako ng Diyos kapag tayo ay lumaban sa diyablo?

👉 Pansinin ang order ng talata: “Pasakop kayo sa Diyos. Labanan ninyo ang diyablo.”

Ang tunay na tagumpay laban sa tukso ay nagsisimula sa pagsuko at pagpapasakop sa Diyos.

🕊️ MAMUHAY AYON SA ESPIRITU

🔴 Basahin ang Galacia 5:16

“Sinasabi ko sa inyo, mamuhay kayo ayon sa Espiritu at hindi ninyo pagbibigyan ang mga pagnanasa ng laman.”

🔴 Basahin ang Roma 8:5

“Ang mga namumuhay ayon sa laman ay nagtutuon ng kanilang isipan sa masasamang hilig nito. Subalit ang mga namumuhay ayon sa Espiritu ay nakatuon sa mga nais ng Espiritu.”

🕊️ SINO ANG HOLY SPIRIT?

Maraming tao ang hindi lubos na nakakaunawa kung sino ang Holy Spirit. Iniisip ng iba na Siya ay isang walang buhay na puwersa lamang.

Ngunit ang Banal na Espiritu ay Diyos—ang ikatlong Persona ng Trinity. Siya ay kapantay ng Ama at ng Anak.

Bilang Diyos, Siya ay makapangyarihan, nakakaalam ng lahat, at laging naroroon. Tinutulungan Niya tayo sa ating mga paghihirap, inaaliw Niya tayo, ginagabayan Niya tayo sa katotohanan, at nananahan Siya sa bawat mananampalataya.

Higit sa lahat, binibigyan Niya tayo ng kapangyarihang mamuhay at sumunod kay Cristo.

TANDAAN:

Ang Espiritu Santo ang ating KATUWANG sa pakikibaka sa tukso.

Hindi natin kailangang harapin ang laban sa sariling lakas. Ang Holy Spirit ay ipinagkaloob sa atin upang tulungan tayong mamuhay sa paraang kalugod-lugod sa Diyos.

Hindi tayo tinawag na mamuhay sa sarili nating lakas—tinawag tayong mamuhay ayon sa Espiritu.

🕊️ The Holy Spirit makes possible what we cannot accomplish in our own strength.

ANO ANG IBIG SABIHIN NG MAPUSPOS NG HOLY SPIRIT?

Sa Efeso 5:18 “Huwag kayong maglalasing, sapagkat sisirain lamang niyan ang inyong buhay. Sa halip ay dapat kayong mapuspos ng Espiritu.”

Ginamit ni Apostle Paul ang larawan ng isang taong lasing upang ipaliwanag ang pagiging puspos ng Banal na Espiritu.

Kapag lasing ang isang tao, naaapektuhan at nakokontrol ng alcohol ang kanyang pananalita at kilos. Ganoon din, kapag tayo ay puspos ng Holy Spirit, hinahayaan nating Siya ang manguna at kumontrol sa ating buhay.

Paano natin malalaman? Makikita ito sa paraan ng ating pamumuhay at pagtugon sa isang makasalanang mundo.

ANG DAPAT GAWIN!

Maglaan ng sandali ngayon upang hilingin sa Diyos na puspusin ka ng HOLY SPIRIT upang mag-tagumpay ka laban sa kasalanan sa iyong buhay.
Una, aminin ang anumang kasalanan na iyong nagawa laban sa Panginoon. I-claim ang Kanyang pangako sa 1 Juan 1:9 - "Kung ipinapahayag natin ang ating mga kasalanan, siya ay tapat at makatarungan na magpapatawad sa ating mga kasalanan at maglilinis sa atin mula sa lahat ng kasamaan."
Pangalawa, hilingin na puspusin ka ng Holy Spirit gaya ng sinabi Nya sa Efeso 5:18 - " dapat kayong mapuspos ng Espiritu." Saganoon ay may katuwang ka sa pang-araw-araw mong buhay!

ASSIGNMENT

Pag-aralan ang ONE VERSE (nasa website natin). Kung handa ka na sa susunod na meeting (walang pressure) ay mag-one verse ka sa harap ng iyong connect group leader.

God Bless you!

-------

📖 READING ASSIGNMENT

MANATILING MATATAG KAY CRISTO

Habang lumalago tayo sa ating bagong buhay kay Cristo, darating ang mga tukso, pagsubok, at mahihirap na sitwasyon. Sa John 16–18, makikita natin kung paano tayo tinuturuan ni Jesus na magtiwala, manatiling matatag, at sumunod sa Kanya.

📅 READING PLAN

John 16 — Magtiwala sa Banal na Espiritu

Alamin kung paano tutulungan at gagabayan tayo ng Holy Spirit sa ating buhay.

John 17 — Manalangin at Manatili sa Diyos

Tingnan kung paano nanalangin si Jesus para sa Kanyang mga tagasunod.

John 18 — Manatiling Tapat kay Jesus

Pag-isipan kung paano nanatiling matatag si Jesus sa gitna ng matinding pagsubok.

✍️ Pagkatapos ng bawat chapter, sagutin:

Ano ang natutuhan ko tungkol kay Jesus?
Ano ang itinuturo nito tungkol sa aking buhay bilang Cristiano?
Ano ang isang bagay na nais kong gawin bilang tugon?

TANDAAN

Ang matagumpay na buhay Cristiano ay hindi nangangahulugang walang tukso o pagsubok. Ito ay buhay na patuloy na nagtitiwala, sumusunod, at nananatiling tapat kay Jesus sa tulong ng Banal na Espiritu.

Page updated

Google Sites

Report abuse