📖 BOOK ONE REVIEW
Congratulations! Glory to God for completing Book One!
Ang layunin ng review na ito ay upang balikan at pagtibayin ang mga katotohanang natutuhan natin mula sa Salita ng Diyos—ang Bibliya.
Ang mga sumusunod na statements ay ginawa upang matulungan kang maalala, maunawaan, at maisabuhay ang mga pagpapalang tinanggap natin kay Cristo at ang mga prinsipyo ng isang bagong buhay bilang Cristiano.
✅ TAMA O MALI
Isulat ang TAMA kung wasto ang statement at MALI kung hindi.
__________ Si Jesus ang nagbayad ng kaparusahan para sa ating mga kasalanan (Roma 6:23).
__________ Ang pagiging puspos o filled with the Holy Spirit ay nangangahulugang hinahayaan nating kontrolin at pangunahan tayo ng Banal na Espiritu.
__________ Bilang mga mananampalataya, dapat nating patuloy na tanggapin at sundin si Jesus bilang Panginoon ng ating buhay.
__________ Kasabay ng ating pagsampalataya kay Jesus, ipinagkaloob din sa atin ang Banal na Espiritu bilang tatak na tayo ay pag-aari ng Diyos (Efeso 1:13).
__________ Ang kaligtasan ay gantimpala na nakukuha natin dahil sa ating mabubuting gawa.
__________ Ang bawat tunay na mananampalataya kay Cristo ay may buhay na walang hanggan (eternal life).
__________ Ang ating relasyon (relationship) sa Panginoon ay maaaring mawala kapag tayo ay nagkasala.
__________ Ang ating samahan (fellowship) sa Panginoon ay maaaring maibalik kapag ipinagtatapat natin sa Kanya ang ating mga kasalanan (confession).
__________ Ang ating relasyon sa Panginoon bilang Kanyang mga anak ay permanente.
MGA SALITANG PAGPIPILIAN
Gamitin ang mga sumusunod na salita upang punan ang mga patlang:
Pagsunod • Relasyon (Relationship) • Panalangin • Hesus • Buhay na Walang Hanggan • Samahan (Fellowship)
____________: Ito ay ipinagkaloob sa atin nang tayo ay sumampalataya kay Jesus.
____________: Ito ay nasasaktan o nasisira kapag tayo ay nagkakasala sa Panginoon.
____________: Ito ay ang permanenteng kaugnayan natin sa Panginoon bilang Kanyang mga anak.
____________: Ito ang paraan ng pakikipag-usap natin sa Panginoon.
____________: Ito ang ebidensyang binanggit sa 1 Juan 2:3–6 na dapat makita sa buhay ng isang tunay na mananampalataya.
____________: Kanino natin nakamtan ang buhay na walang hanggan?
ESSAY/CONNECT GROUP DISCUSSION:
Kailan ipinagkaloob sa iyo ang Banal na Espiritu?
Posible bang ang isang carnal Christian ay maging Spirit-filled? Kung oo, paano?
Ano ang ibig sabihin ng “tayo ay naligtas sa pamamagitan ng biyaya ng Diyos” ayon sa Efeso 2:8–9?
----------
📘 CONNECT GROUP LEADER GUIDE
A. PILIIN ANG TINUTUKOY SA PAHAYAG
Gamitin ang mga sumusunod na salita upang matukoy ang tamang sagot:
Buhay na Walang Hanggan • Samahan (Fellowship) • Relasyon (Relationship) • Panalangin • Pagsunod • Hesus
Buhay na Walang Hanggan — Ito ay ipinagkaloob sa atin nang tayo ay sumampalataya kay Jesus na Anak ng Diyos.
Samahan (Fellowship) — Ito ay nasisira o naaapektuhan kapag tayo ay nagkakasala sa Panginoon.
Relasyon (Relationship) — Ito ang permanente nating kaugnayan sa Panginoon bilang Kanyang mga anak.
Panalangin — Ito ang paraan ng pakikipag-usap natin sa Panginoon.
Pagsunod — Ito ang ebidensyang binanggit sa 1 Juan 2:3–6 na dapat makita sa ating buhay bilang bunga ng ating pananampalataya.
Hesus — Kanino natin nakamtan ang buhay na walang hanggan?
B. TAMA O MALI — ANSWER KEY
TAMA — Si Jesus ang nagbayad ng kaparusahan para sa ating mga kasalanan (Roma 6:23).
TAMA — Ang pagiging puspos o filled with the Holy Spirit ay nangangahulugang hinahayaan nating pangunahan at kontrolin tayo ng Banal na Espiritu.
MALI — Hindi natin kailangang “paulit-ulit na papasukin” si Jesus sa ating buhay. Kapag tunay nating tinanggap si Cristo bilang Panginoon at Tagapagligtas, mayroon na tayong relasyon sa Kanya. Ang dapat nating gawin ay patuloy na sumunod at magpasakop sa Kanya.
TAMA — Kasabay ng ating pagsampalataya kay Jesus, ipinagkaloob sa atin ang Banal na Espiritu bilang tatak na tayo ay pag-aari ng Diyos (Efeso 1:13).
MALI — Ang kaligtasan ay hindi gantimpala dahil sa ating mabubuting gawa. Ito ay kaloob ng Diyos na tinatanggap sa pamamagitan ng pananampalataya kay Cristo (Efeso 2:8–9).
TAMA — Ang bawat tunay na mananampalataya kay Cristo ay may buhay na walang hanggan (eternal life).
MALI — Ang ating relasyon (relationship) sa Panginoon bilang Kanyang mga anak ay hindi nawawala dahil lamang sa ating pagkakasala.
TAMA — Ang ating samahan (fellowship) sa Panginoon ay maaaring maibalik kapag ipinagtatapat natin sa Kanya ang ating mga kasalanan (confession) (1 Juan 1:9).
TAMA — Ang ating relasyon sa Panginoon bilang Kanyang mga anak ay permanente.